Museo de Historia Natural

O alumnado de 1º de Educación Primaria desprazouse ata Santiago de Compostela para visitar o Museo de Historia Natural, como actividade complementaria dentro do ambiente de aprendizaxe sobre os animais que están desenvolvendo na aula.

Durante a visita, os nenos e nenas tiveron a oportunidade de observar diferentes especies, coñecer as súas características e descubrir curiosidades sobre o seu hábitat e forma de vida. 

Esta experiencia permitiulles reforzar os contidos traballados na clase dun xeito lúdico e participativo, fomentando ademais o interese polo coidado e respecto da natureza.