Benvida primavera!

Este 20 de marzo dou paso á primavera, unha estación que arranca cun equinoccio e que durará 92 días antes da chegada do verán.

O alumnado da aula Azul desprazouse ata o patio e o bosque do centro na procura de indicios na contorna natural que demostren que a nova estación chegou para quedarse.

Móstranvos, para tal fin, unhas fotografías nas que podedes ver algunhas das características que as definen comenzando polo tempo: hoxe espertamos con moito vento acompañado de nubeiros que descargaron, na hora do recreo, para dar paso minutos despois ás raiolas de sol. 

Atoparon as primeiras flores silvestres, os gromos nas pólas dalgunhas árbores, pequenas bolboretas voando entre as plantas, un abellón merendando  e pardais entoando os seus alegres trilos.